Familian í Álaborg

Julen 2007

2008-01-17T09:43:00.000Z

Jólabörnin okkar flottu. Sá litli á reyndar erfiðara með að sýna myndarvélabrosið þegar beðið er um það, kemur einhver töffarasvipur ístaðinn.

Flotti riddarinn okkar!

Það var kubbað öll jólin; hús, þyrlur, bíla og annað fróðlegt og litli maðurinn er enn að kubba...

.. og er kubbandi allstaðar :)

Knusar, og þá sérstaklega til þín Rúna mín ;)

Halló Halló

2007-11-26T20:14:00.000Z

Björk er búin að taka við því starfi að kynda ofninn, hennar verkefni rétt fyrir kvöldmat á hverjum degi. Ingvar Andri fær líka að hjálpa til.
Alltaf saman fjögur og rosa góðir vinir!
Wiiið mjög vinsælt á heimilinu, Gunnar uppáhaldsfrændi lánaði Björk tækið... enda hefur maður ekki mikinn tíma til að leika sér þegar verið er að læra.

Lestrartími fyrir háttinn. Ingvar Andri heimtar þó alltaf að fá að hlusta á Mikka Ref þangað til hann sofnar, finnst hann æðislegur!

Hvernig væri nú að láta vita af sér :)

Ákvað að skella inn smá info á milli tarna.
Ég kláraði 3ja daga heimapróf í síðustu viku og byrja svo á morgun í project vinnu, sem að verður 3 vikna törn og skil 18.des. Ingvar er í svipuðum málum, er reyndar löngu byrjaður á sínu projecti og hefur frest til 21.des.
En við fáum frekar róleg jól í fyrsta skipti síðan við byrjuðum í náminu, við þurfum "bara" að verja þessi project í jan, engin önnur aukapróf. Mikil tilhlökkun til þess að geta slakað á með krökkunum, kannski maður fari eitthvert út fyrir borgina!
Ingvar er reyndar í smá luxus trip núna, skrapp til suður Frakklanda að prufukeyra bíl. Situr örugglega núna að snæðingi á 5 stjörnu veitingastað og gistir í risa herbergi með baðkari!!! ohhhh hvað ég vildi vera hjá honum! Ég læt mér nægja fótabað :-)

Jólahuggið er byrjað á þessu heimili. Við erum búin með nokkrar gjafir, ætlum að reyna að klára flestar og plata Gunnar Bró með þær heim.
Brenndar möndlur er algjört must þegar maður fer í bæinn, skylda hjá krökkunum að heimsækja básinn sem að selur þær ásamt súkkulaði húðuðum ávöxtum og sykurhúðuðum eplum, og lyktin finnst langar leiðir mmmm... maður á eftir að sakna þess!

Svo er hinn vinsæli jólabasar í skólanum og leikskólanum á laugardaginn. Björk mun spila á risa blokkflautu fyrir basarinn í skólakoncert og svo byrjar fjörið með gómgæti og fallegu hlutum sem að börnin hafa verið að gera. Það fara nokkrir hundrað kallar þann dag!

Jæja elskurnar - þangað til næst :-)
H.

hlaut að koma að því...

2007-10-31T10:21:00.000Z

fann eitt grátt hár í morgun!
Svosem lítið hægt að gera í því annað en að reyna að slaka á og njóta lífins :)

/hildur

síðsumars myndir

2007-09-24T07:33:00.001Z

Við náðum að hitta Kristínu og Kára og sjá nýja heimilið á vellinum, og auðvitað var tekið eitt spil með spjallinu.

Síðasta kaffiboðið hjá ömmu Jenný í bili -

Við Björk settum niður nokkur sólblómafræ í sumar, og þau tóku svo á móti okkur þegar við komum heim i ágúst.

aðeins fleiri myndir

2007-09-24T07:27:00.000Z

smá klór hjá Hansa...
Frændurnir flottu í húsdýragarðinum

morgnarnir í bæjartúninu, mogginn að sjálfsögðu skoðaður

Gott að vera hjá ömmu og afa í bæjartúninu!

Nokkrar myndir frá sumrinu

2007-09-24T07:15:00.001Z

Ákvað að sýna lit og setja inn nokkrar myndir :)

Huggó afmælisdagur mömmu/ömmu Ásu upp í bústað.

Á leið niður að Meðalfellsvatni að reyna við veiðar með Fríðu og Hansa.

Nýtt blogg hjá Björk

2007-08-20T08:53:00.000Z

Búin að stofna nýtt blogg hjá Björk:
bjarkarblogg.blogspot.com!

Og meilið hennar verður:
bjorkingvarsdottir(at)gmail.com

Björkin

2007-08-20T08:14:00.000Z

Skólinn byrjaði í morgun hjá Björkinni. Hún vaknaði orðalaust og hress kl 8, klæddi sig og bjó um, læddist svo fram til að fá sér að borða - allt var tilbúið fyrir fyrsta skóladaginn í 5. bekk!
Við Ingvar Andri hjóluðum svo með henni í skólann, sluppum við úrhellið sem vakti mig upp úr sjö.. þvílík demba! Ég næ aldrei að slá grasið út í sumarhúsi því það er alltaf blautt!
Hún var spennt að byrja aftur í skólanum og vaknaði hress stelpan eftir að hafa sofið út í 6 vikur.

Þar sem ég er búin að fá nýja apple fartölvu þá fær Björk til afnota trítluna mína til að æfa sig í að skrifa, lesa og læra inn á heim vefsins. Við förum í það næstu daga að koma henni af stað og virkja meilið, messenger og bloggið. Ég á eftir að stofna blogg fyrir hana, en meilið hennar og messenger er bjorkingvarsdottir@hotmail.com.

Best að drífa sig í bæinn og í leikfimi.. ein og ingvarslaus :(

H.

lífið að komast í rútínu

2007-08-17T09:29:00.000Z

Mikið er nú gott að vera komin heim til sín, í dótið sitt og tala nú ekki um rúmið sitt!
Það voru nú samt blendnar tilfinningar hjá börnunum sem voru alveg til í að vera áfram á Íslandi hjá fjölskyldunni sinni. Björk hefur örugglega verið flutt heim til íslands í huganum því henni fannst hún vera komin eitthvert erlendis þegar við vorum nýkomin heim, var smá ósátt og leið. Hún þarf að takast á við smá breytingar næsta vetur, engin Melkorka og vinkonur í bekknum hennar hafa flutt í annann skóla. En hún finnur örugglega aðra og fleiri vini stelpan, hef ekki miklar áhyggjur af því.

Ingvar Andri var voða kátur að komast í leikskólann sinn fyrsta daginn, en svo kom bakslag annan daginn og ég þurfti að fara frá honum grátandi. Mjög erfitt. En svo hjóluðum við í morgun og ég talaði hann aðeins til og fór frá honum brosandi og glöðum. Hann er svo upprifinn af því að eiga frænda í leikskólanum, sem er nýbyrjaður þar, hann Victor Örn. Hann hefur tekið það að sér að passa upp á hann og aðstoða.

Það er verið að koma sér fyrir aftur, búin að kaupa kaffi og endurnýja innihald ísskápsins. Svo er beðið eftir Ingvari elskunni sem þarf að vinnu viku í viðbót, til að fullkomna fjölskyldulífið hér ved dammen. Það er ekki alveg eins og það á að vera hér án hans...

H.

styttist í heimför

2007-08-10T15:44:00.000Z

4 dagar í heimför og mikil tilhlökkun í að komast aftur heim til sín, í húsið sitt, dótið sitt og rúmið sitt! Þessi rúmi mánuður hér á Íslandi búinn að vera fljótur að líða, enda í nógu að snúast alla daga ásamt því að njóta frísins með því að sofa út alla daga, vera boðin í mat og að vera með fjölskyldu og vinum. Ingvar Andri spurði í morgun hjá hverjum við færum að borða í kvöld, honum finnst þessar heimsóknir mjög skemmtilegar, er alveg að fíla að spjalla við fólkið sitt og kynnast því aftur eftir síðasta sumar.

Síðustu dögunum verður eytt í sumarbústað við Meðalfellsvatn með Fríðu og co., etið á sig gat og drukkin eðalvín :) Á sunnudaginn ætlum við að kíkja til Kristínar og Kára, rifja upp gamlar stundir og eyða með þeim einni kvöldstund áður en haldið er út aftur.

Ég komst inn í námið sem að ég sótti um og er mjög spennt og glöð með það. Þetta er mastersnám (Msc) í Information Architecture og ég kemst loksins upp á háskólasvæðið flotta til Ingvars, getum eytt hádeginu þar saman að borða nestið okkar ;)
Ingvar er enn að bíða eftir svari með sitt nám, fær það væntanlega í næstu viku.

H.

Stórborgarferð til Köben

2007-06-26T19:01:00.001Z

Amma Ása bauð okkur til köben í smá túristaferð, það var farið í tivoli og skoðað það athyglisverðasta. Æðisleg ferð og rosa gott að komast aðeins að heiman.
Við tókum svo ömmu Ásu og Ásdísi frænku með til álaborgar og ætlum að hafa þær hjá okkur í viku.

Það var farið í lestina, bussen og þotuna.. mikil spenna hjá litla manninum!

Fríið

2007-06-26T18:34:00.000Z

skálað fyrir bachelorunum... í kampavíni að sjálfsögðu!

Jæja loksins tími til að blogga í fríinu :)

2007-06-26T18:17:00.000Z

Ég veit - ekki verið dugleg, enda búið að vera nóg að gera... hmm í fríinu.
Læt flakka hér nokkrar myndir af júnímánuði.

Björk fór um miðjan júní í skátaferðalag í tvær nætur og hitti aðra 900 skáta frá Danmörku, kom glöð og sæl heim með vinum sínum Melkorku og Hilmi.

er að verða búið!

2007-05-23T08:05:00.000Z

Nú fer að líða að ritgerðarskilum hjá okkur, dagarnir eru taldir niður og mikil tilhlökkun að komast í frí.
Börnin orðin hundleið á sömu svörunum hjá okkur með að allt verði að bíða þangað til eftir skil, þau eiga orðið inni þó nokkrar sundferðir, strandferðir og ekki sé á minnst tíma frá okkur foreldrunum.
Þau voru nú samt svo ótrúlega heppin að fá í heimsókn ömmu jenný og afa ingva sem að bjóða upp á það sem að foreldrarnir geta ekki gert.

Ég er búin að skrifa mína ritgerð og er byrjuð á yfirlestrinum, hef sex daga í það - er því frekar róleg yfir þessu öllu saman. Ingvar er aftur á móti í smá basli með sína ritgerð, er í fjögurra manna hóp sem er ekki alltaf sammála og á þó nokkuð eftir af ritgerðinni. Hann sést þess vegna ekki mikið heima hjá sér þessa daganna og er orðin langþreyttur eftir veturinn. Hann fær þó smá frí áður en hann fer heim að vinna þar sem hann þarf ekki að verja ritgerðina sína fyrr en 20. júní - við náum þá smá fríi saman fjölskyldan í heita sumrinu sem á að vera hér í sumar, það er spáð heitara sumri en var síðast og það þótti vera heitt!

Feðgarnir að róla sér á rólóvellinum sem er við tjörnina hjá okkur.

Kjút umhverfið hjá okkur.. gæti ekki verið meira næs.

Björk að koma úr víkingaferðinni í víkingaklæðinu og búin að smíða kross.

Ingvar að töffarast með nýju RayBan sólgleraugun - tekur þau varla af sér.. notar þau meira að segja við eldamennskuna :)

Amma og Afi komin!

Knus
H.

fyrsta skólaferðalagið

2007-05-09T07:18:00.000Z

Björkin okkar fór í fyrsta skipti í skólaferðalag í morgun og verður frá okkur í tvær nætur.
Hún er búin að vera mikið spennt og glöð yfir þessari ferð, enda ekki skrýtið þar sem það er svo gaman að fara í skólaferðalag með bekknum sínum og kennara.

Það er búið að vera mikill undirbúningur að þessari ferð sem er farin í þeim tilgangi að kynnast sögum og háttum víkinga. Síðustu tvær vikur hafa farið í að læra um víkinga og goð, og Björk segir okkur spennt frá goðasögum eftir skóladaginn.
Við saumuðum mægðurnar rosa flottann víkingabúning og Björk broderaði fallegan kant sem var saumaður á.
Þau fá síðan heimsókn frá "ekta" víkingum og taka þátt í smá athöfn og heyra sögur.
Hún fer nú ekki langt stelpan, þau gista í einhverju skátaheimili sem er 10km utan við álaborg, en hún fer símalaus sem þýðir að við fáum ekkert að heyra frá henni í 3 daga! Það er dálítið erfitt fyrir áhyggjufulla foreldra :)

H.

Tíminn líður...

2007-05-06T18:01:00.000Z

... 9 dagar í tengdó!
... 16 dagar til að skrifa ritgerðina (er með skrif áætlun)!
... 23 dagar í ritgerðarskil!
... 23 dagar í sumarfrí!!!
... 25 dagar í Rúnu og Brynju!

Úff hvað tíminn er fljótur að líða, dagarnir og vikurnar bókstaflega hverfa.
En margt að hlakka til og þess vegna er það svosem ágætt að tíminn sé fljótur að líða.

Samkvæmt síðustu færslu sem að hefur verið að endunýja hjá mér veðrið, þá er byrjað að rigna hjá okkur.. já loksins! Nú getur maður setið inni og skrifað næstu 7 daga í rigningu - sem er bara fínt.
Við erum búin að nýta okkur síðustu sólardaga mjög vel, mikið búið að grilla og hugga sig með vinum og allir orðnir brúnir og sællegir :)
Í gær fórum við til Silkeborgar á jyllands ringen að skoða fullt af ferrari gripum og tókum svo sveitaleiðina heim og stoppuðum á krá á leiðinni og fengum okkur að spisa danskan kráarmat.
Nýttum svo síðustu geislanna í dag og kíktum í dýragarðinn með Kristínu og Kára.

Nú er að koma sér í gang aftur og nýta komandi viku mjög vel!

H.

Blíða

2007-04-24T18:13:00.000Z

ohh hvað það verður erfitt að vera inni að lesa í þessari blíðu :)
Það verða bara sett upp sólgleraugun og lesið úti held ég...

H.

Könnun

2007-04-23T19:49:00.000Z

Jæja! nú er búið að starta spurningakönnuninni og liggur hún á forsíðu gegnis.
Hef fengið fína svörun í dag og ég vænti þess að könnunin þurfi ekki að vera lengur en í 7 daga til að fá ásættanlega útkomu.

Nú þegar öll erfiðisvinnan er að verða búin hlakka ég mikið til að halda áfram að skrifa sem hefur setið á hakanum við vinnuna á könnuninni og svo á matinu á öðrum rafrænum bókasöfnum sem að bjóða upp á "personalization".. klæðkerasaumaðar síður.

En þeim sem að hafa brennandi áhuga mega endilega taka þátt!
www.gegnir.is undir spurningakönnun

H.

Afmæli búin í bili

2007-04-22T13:03:00.000Z

Björk bauð bekknum sínum í afmælisveislu í gær. 10 krakkar og auðvitað var útbúin dagskrá fyrir liðið í þá þrjá klukkutíma sem að veislan stóð yfir með ratleik, eggjahlaupi og rundbold. Allt heppnaðist vel í yndislegu veðri.

Svo fékk Björk hjálminn sinn í vikunni sem hún pantaði frá Berlin, rosa flottur rauður með hvítri stjörnu á. og loksins fékk hún að fara í fyrsta mótorhjólatúrinn sinn.

Og mamman líka - við pössum í sömu stærð af hjálm, mjög hagkvæmt. en ég þarf að fá mér lokaðan til að fara lengri vegalengdir.

Borðaðar pizzur úti í sólinni á milli leikja.

Fengum rosa flottann sandhól fyrir strákanna sem þeir geta dundað sér í með gröfurnar sínar og vörubílanna.

Og svo á Eiður Snær frændi afmæli í dag
Til hamingju með 11 ára afmælið Eiður!!!

H.

Einu sinni...

2007-04-11T20:57:00.000Z

Björk 5 ára á Víðimelnum

Ári seinna kominn lítill bróðir og flutt yfir á Ránargötuna.

Ekki svo langt síðan - og þó...

H.

10 ára pía

2007-04-11T19:46:00.000Z

.. já það eru liðin TÍU ár síðan Björkin okkar fæddist! Ótrúlega er tíminn fljótur að líða.

Daman vaknaði ekstra snemma í morgun eða rétt yfir hálf sjö, við þurfum annars að vekja svefnpurrkuna alla aðra daga. En dagurinn í dag var sérstakur, loksins loksins varð hún 10 ára. Hún er búin að vera í afmælum hjá bekkjarsystkynum sínum sem eru öll að verða 11 ára og henni fannst dáldið fúlt að vera lang lang yngst svona 9 ára, miklu betra að vera bara einu ári yngri.

Það biðu hennar fullt af flottum pökkum í morgun með fallegum fötum, stelpudóteríi og syngjandi afmæliskortum og er hún búin að vera himinsæl með daginn, syngjandi glöð!
Svo á að halda bekkjarpartý fljótlega, verður reyndar að bíða eina helgi þar sem Ingvar fer í 5 daga heimapróf á föstudaginn og ég þarf að klára spurningakönnunina mína.. frestum því um eina viku... enda þarf smá undirbúning í 14 krakka partý.

"bara" ritgerð eftir

2007-04-01T17:52:00.000Z

Ég kláraði eitt verkefni á föstudaginn í valgfagi sem að nefnist rafræn bókasöfn og þjónusta á netinu. Ákváðum ég og Pernilla sem að vann með mér að gera verkefni um þróun rafræns bókasafns og þjónustu þess í heimi Second Life. Mjög skemmtilegt verkefni, sem að endaði með poster session fyrir kennara og nemendur. Myndin sýnir ss. fimm plaköt sem að við gerðum, Ingvar lagði til hjálparhönd með að setja upp designið í InDesign svo að við gætum prentað þetta súper flott út.

Nú er valfagið að baki og að sjálfsögðu staðið, og nú tekur við ritgerðin mín sem ég hef aðeins vanrækt vegna tarnar í valfaginu, en nú er bara að setja í þriðja gír þar sem bara eru tveir mánuðir til stefnu! Það þarf aga núna þar sem ég er ein með ritgerðina og úti er þvílík blíða að það er erfitt að vera inni að lesa og skrifa. En mikil tilhlökkun er að klára þetta og vera búin með ba-námið eftir tvo mánuði!!!

H.

Sumarið komið!

2007-03-26T09:22:00.000Z

Helgin var yndisleg í blíðskaparveðri, sól og ca. 13 stiga hita.
Við héldum upp á afmælið hans Ingvars Andra á laugardeginum, hann bauð 7 vinum sínum í grill og vörubílaköku. Hann var rosa glaður með daginn og var alveg ti í að gera þetta aftur daginn eftir.

Maður verður nú að gorta sig smá. Sýna henni mömmu að ég hafi ekki verið að plata hana :)
Við sátum úti allan eftirmiðdaginn, garðurinn var skjólgóður og er vel afgirtur - við erum með algjört næði. Við náðum í restina af garðhúsgögnunum, þurfum að bera olíu á þau og gera þau falleg fyrir sumarið.
Sannir íslendingar - ákveðið var að grilla og borða úti.

Börnin voru svooo þreytt eftir daginn, enda búin að leika sér báða daganna allan daginn úti plús að halda upp á eitt afmæli. Ingvar Andri sofnaði í sófanum um sex leytið - þurfti bara aðeins að loka augunum. Björkin lék við Melkorku alla helgina, gisti hjá henni og borðaði grillmat í flest öll mál. Við báðum hana um að fara í náttfötin sín rétt fyrir átta og taka sængina úr pokanum, hlupum svo í lærdómin á meðan... eftir 20 mín ýttum við á hana að drífa sig en fengum ekkert svar. komum svo að henni þar sem hún lá steinsofandi þessi elska.

Smá áminning: það er kominn tveggja tíma munur!
Og við erum komin með nýtt íslenskt símanúmer! Nú geta þeir sem að eru með íslenskan síma hringt í okkur á venjulegum heimilissíma taksta... þarf ekki að kaupa heimsfrelsi eða veigra sig við að hringja vegna kostnaðar, og sama hjá okkur. Við hringjum númerið til ykkar næstu daga :)

Knus úr blíðunni
H.

Kóngur dagsins!

2007-03-22T14:55:00.000Z

Það er mikið gert úr afmælisdegi barnanna á leikskólanum. Hann mætir að sjálfsögðu með kökur fyrir alla, svo er smá athöfn þar sem hann fær kórónu og litla fallega gjöf, sem var prjónuð kisa. Svo er sögð saga eða ævintýri með atburðum úr lífi hans.

Kominn heim og sestur niður með pabba (of course!) að setja saman playmo kastalann.
Og nú er bara að fara að leika sér!!!

Takk fyrir strákinn allir :)

Knus
H.

4 ára gutti!

2007-03-22T14:37:00.000Z

Nú er maður loksins orðinn 4ja ára, lengi búið að bíða eftir því!
Vaknaði ekstra snemma í morgunn (kl 06.00)!! og spurði hvort hann mætti opna pakkanna þá. Foreldrarnir héldu nú ekki, vildu fá að sofa aaaðeins lengur, litli maðurinn beið rólegur í rúman hálftíma og svo var farið á fætur vel fyrir sjö og byrjað á pakkaflóðinu... og ekkert smá mikið af pökkum eins og sést á myndum.

Fyrsti pakkinn frá mömmu og pabba, fleiri bruder bílar..

Svo var einn laaangur og stór pakki frá Tómasi Loga og Eið, rosa flottur traktor sem að Ingvar Andri er búinn að horfa lengi á í búðinni og svo uppi á skáp...

Mótorhjól og bíll frá Gunnari Inga - að sjálfsögðu var það tekið með í leikskólann!

Og svo frá Ömmu Ásu, afa og Ásdísi Latabæjar þættir.. MJÖG glaður með það! Nú þurfum við ekki að eltast við þættina í sjónvarpinu sem eru sýnir eldsnemma um helgar.

vorboðin

2007-03-08T09:40:00.000Z

Nú gægist sólin loksins undan skýjunum sem að hafa gnægt yfir okkur síðustu daga/vikur og allt í einu hýrnar yfir manni, verður orkumeiri og tilhlökkun til sumars færist yfir mann. Loksins!
Litlu fuglarnir birtast og endurnar á tjörninni geta synt á klakalausri tjörn.
En það er allt á floti eftir rigningu og snjó síðustu vikur, myndarlegir pollar út um allt þar sem jörðin er orðin gegnsósa af vatni.

Törnin er byrjuð hjá okkur, dagarnir og vikurnar hverfa og styttist óðum í skiladag ritgerðar, sem er reyndar ekki fyrr en í enda mai... en tími sem að okkur finnst vera knappur og verður hver einasti dagur fram að skiladegi nýttur.
Ég er enn að vinna í vandamálaspurningunni minn ásamt öðru verkefni sem ég á að skila 22 mars og Ingvar er komin af stað með sína ritgerð, auðveldara að halda aga þegar maður er í hópavinnu.

Best að nýta tímann :)

H.

og það snjóaði og snjóaði...

2007-03-01T10:45:00.000Z

Þetta er ekki lítið af snjó, kannski ekki skrýtið að samgöngur hafi lamast, en fallegur er hann, allt hvítt og snjóhrímaðar rúður - voða kósý.

Ingvar að tékka á mjódódóinu sínu og auðvitað að sýna Steinunni og jobba :)

Björkin sæta með eplarauðar kinnar eftir að hafa verið úti í snjónum allan daginn, kom inn með snjóinn með sér fastann í hárinu.

Hann Ingvar Andri var ekki alveg að fíla snjófokið, finnst ekkert gaman að fá framan í sig snjóinn og kom inn eftir hálftíma! Fór aftur út daginn eftir og var mikið lengur þar sem farið var að hlýna aðeins og ekkert rok sem var að angra hann :)

Ingvar á leið út í búð labbandi klæddur útivistargírnum sínum með 60 lítra bakpoka sem hann fyllti af veigum fyrir gestina sem áttu að koma um kvöldið en komu svo ekki.

Það var svo gaman úti að renna sér í sköflunum að maður gleymdi sér bara og var orðinn pirraðir og svangur.. því var reddað með boosti sem var matreiddur úti.

Björk búin að vera úti ALLAN daginn að búa til "hulle" holu í skafl hjá Melkorku, holan endaði í 3ja herbergja rými þar sem þær gátu setið. Vettlingarnir sem amma Día sendi urðu vel stórir eftir snjóinn sem vildi festast á .

Útí bústað, ákváðum að tékka á húsinu eftir óveðrið.. sem betur fer!

Holan hennar Bjarkar, Melkorku og Jakobs.

Og svo mynd af verðandi hjónum á leið heim, vonandi sæl eftir atburðaríka ferð til álaborgar!

H.

engin steinunn og jobbi

2007-02-22T08:31:00.000Z

Greyjin Steinunn og Jobbi þurftu að eyða 7 tímum í lestinni í gær, voru komin til álaborgar um tvö leytið. Og ekki tók betra við, það beið enginn leigubíll, lestarstöðinni var lokað og fólkið sem að kom með lestinni stóð fyrir utan ráðalaust.
Leigubílarnir voru víst hættir að keyra seint í gærkvöldi, semsagt enginn strætó, enginn leigubíll og við gátum ekki sótt þau... nú vantar hjálparsveitina okkar góðu!
Sem betur fer gátu þau arkað yfir snjóskaflanna á hótelið á móti lestarstöðinni ásamt hinum og bókað herbergi fyrir nóttina!

Veit ekki hvernig samgöngur verða í dag, það sitja víst falck bílar og snjóplógar fastir og ekki miklar líkur á að göturnar verða ruddar allar í dag. Fólk kemst ekki til vinnu sinnar, allt í lamasessi vegna snjóstormar.. ótrúlegt! eitthvað sem að þekkist ekki heima, allavega ekki í svona langan tíma.

Erfitt að vita af þeim niðrí bæ, svo stutt frá og geta ekki sótt þau!

H.

Ófærð

2007-02-21T16:23:00.000Z

Hér snjóar út í eitt og verður víst áfram fram á nótt og næstu daga.
Öllu flugi aflýst í dag til Álaborgar og óvíst með morgundaginn, Steinunn og Jobbu þurfa að taka lestina til okkar og verða komin um miðnætti í kvöld.. geta örugglega huggað sig í lestinni þar sem hægt er að versla sér snarl og öl.

Við lögðum af stað á bílnum sem er á sumardekkjum út í búð áðan og ákváðum að snúa við þegar við vorum hálfnuð, komumst sem betur fer á honum heilum til baka - illa skafaðar götur, bílar fastir út í köntum og strætó þver yfir götuna.. ekki skynsamlegt, sérstaklega þar sem bíllinn spólar út í eitt og leitar í alla kanta. Festum okkur ekki sem betur fer.

Ingvar ákvað því að labba út í búð í sínum skeljungsbúðarútivistarfatnaði með 65 lítra bakpoka, og var að koma með hann fullann af mat og öli fyrir gestina sem að koma seint í kvöld.
óð snjóinn upp að hnjám á leiðinni í búðina og á leiðinni til baka voru sumir skaflarnir komnir í mittishæð - og það heldur áfram að snjóa! Ekki verður farið mikið á næstu dögum.. reyndar er búið að aflýsa einhverjum tímum uppí háskóla.
Vona bara að lestinn haldi sinni tímaáætlun - búið að aflýsa frá álaborg til frederikshavn..

H.

Vor í Berlín og Snjór í Álaborg

2007-02-21T09:33:00.000Z

Nú snjóar og snjóar, snjórinn loksins kominn sem hefði átt að vera hér um jólin.
Börnin búin að fara út og sleðast aðeins, en litli maðurinn entist ekki lengi.. honum finnst ekki gaman að vera kalt á höndum og í framan, kom inn eftir hálftíma!
Held að það eigi að snjóa alla vikuna, vonandi verður þetta síðasta snjóhretið fyrir vorið -
við fengum nefnilega smá vorfíling í Berlín um helgina.
Sól, 8 stiga hiti og rölt í borginni á milli markaða og kaffistaða - algjört æði!

Fórum á geðveikan matarmarkað á laugardaginn og versluðum við þar í dýrindis matarveislu með þrenns konar skinku, ólífubrauði og geggjuðum ostum.. þvílíkt góðgæti.
Við lögðum reyndar bílnum okkar á föstudagskvöldinu við götuna þar sem markaðurinn var á laugardeginum og var hann dreginn í burtu á einhvern geymslustað í borginni - sem betur fer höfðum við Elínu þýskumælandi til að finna bílinn og redda málunum fyrir okkur.
Ólöglegheitin kostuðu okkur 120 evrur..

Við erum endurnærð eftir berlínarferðina þótt að hún hefði verið stutt - við förum fljótlega aftur og verðum þá aðeins lengur, enda veitir ekki af nokkrum dögum í svona stórborg.
En takk fyrir okkur Elín og Darri fyrir frábæra helgi!

Steinunn syss og jobbi koma svo í kvöld til okkar í heimsókn og verða fram á sunnudag. Fá því miður snjó allan tímann, en við getum nú örugglega nýtt okkur inniveruna í huggulegheitum.

Ingvar mótorhjólatöffari, ískalt en sæll eftir einn búðartúr.
Hann verður að bíða í rúma viku eftir næsta túr...

Ingvar Andri fékk bugga biggi handklæði frá ömmu jenný og notar það sem teppi, finnst það voða smart. Dundar sér í veikindunum við að raða bílunum í röð eftir týpu og gerð - já.. hvaðan hefur hann þetta drengurinn. Börnin sáu ekkert annað en bíla í berlín, bentu á ALLA mini bíla og bmw sem þau sáu ásamt öðrum áhugaverðum bílum.. áhuginn hjá pabbanum er smitandi!

Knus
H.

pestinni að ljúka

2007-02-12T09:40:00.000Z

... vonandi, þetta er komið nóg - sit enn heim með tvo krakka sem eru snýtandi sér allan daginn og hundfúl yfir því að komast ekki út í snjóinn.

Ingvar Andri var meira og minna með hita alla síðustu viku, rauk alltaf upp í hita á kvöldin og eyddi svo nóttinni í hóstaköstum. Hefur verið það slappur að hann hefur þurft að leggja sig seinni partinn og sofið í 2 - 3 tíma.. eða sofnað fyrir sjö á kvöldin. Hefur verið pirraður og ekki með sjálfum sér eftir þessa veikindaviku. Hann fer í leikskólann á morgun og vonandi kætist hann við það.. kemst í rútínuna aftur.

Björk er búin að vera heima síðan á fimmtudag með kvef og hefur kvartað aðeins yfir eyrnaverkjum. Hún var svo stífluð í gær að við ákváðum að halda henni heima einn dag í viðbót.

Svo hef ég líka nælt mér í pestina og verið hundslöpp síðustu daga, hnerrandi út í eitt og horuð.

En við verðum vonandi laus við horið fyrir næstu helgi, því þá ætlum við að heimsækja hana Elínu til Berlínar!! Hlakkar öllum mikið mikið til. Krakkarnir fara í vetrarfrí í næstu viku en það verður einhver tímasókn hjá okkur. Það verður gott að komast aðeins úr sveitinni, fá smá tilbreytingu og upplyftingu á miðjum vetri.

Svo fáum við heimsókn frá Steinunni syss og Jobba í vetrarfríinu. Þau eru að koma í fyrsta skipti til okkar og við getum örugglega huggað okkur eitthvað með þeim. Sýnum þeim sæta bæinn okkar.. held þó að allar útsölur verði búnar :) förum bara á kaffihús í staðinn.

Knus
H.

örið skelfilega

2007-02-07T17:05:00.000Z

Laus við gipsið og sit uppi með bogna vinstri hendi og sex til átta vikna æfingarprógram.

Og svo örið skelfilega :) frekar stórt og scary og ennþá bólgin. Jafnar sig líklega á næstu vikum og kemur þá væntanleg mynd af því hvernig hendin verður eftir öll herlegheitin...

H.

Veikur lítill maður og Glaður stór maður

2007-02-06T19:37:00.000Z

Ingvar Andri svaf í allan gærdag með yfir 40 stiga hita. Ég spurði hann hvort að honum væri heitt, þá svaraði hann "ég vil ekki vera heitt", hundfúll með þetta - leiðinlegt að vera veikur fyrir svona lítinn pjakk.

Ingvar mættur á svæðið á nýjasta faratækinu, bmw r100 rs ´94, glaður eftir langan túr frá Middelfart. Himinglaður að vera loksins kominn með hjólið heim! Náði hinsvegar ekki að keyra í dag því hér er farið að kólna, frost á næturnar og snjóaði aðeins í dag. Held að hann sé nú samt sáttur að geta bara horft á það og starta því... vantar bara skúrinn til að ditta að því og pússa :)

Við förum svo aftur til Farsö á morgun, losna við gipsið og saumarnir verða teknir. Kvíði mest fyrir þegar þessi plástur verður tekinn/rifinn af, það er eins og hann sé straujaður á mig.. og vona að ég fái ekki ljótt ör.
Get farið að keyra sjálf - er búin að hafa nokkra einkabílstjóra síðustu vikur.
Get byrjað á skokkinu aftur.
Get notað gaffal og hníf - þarf ekki lengur að skera ofan í mig matinn :)

Byrja svo á að gera æfingar með hendina sem er frekar stirð eftir þrjár vikur í gipsi.

jæja nóg í bili, ætla að skólast aðeins.

Knus
H.

Síðasta vika

2007-02-06T19:20:00.000Z

Vinkonurnar Melkorka og Björk að dunda sér saman. Kaninan Plet fékk að koma í helgarheimsókn þar sem Björk mátti koma með gæludýrið sitt í skólann á mánudeginum.. mjög spennandi.

Vinirnir sem plottuðu uppsögnina sína hjá Skeljungi saman fyrir 3 árum. Fengum Hjört og Karenu óléttu í heimsókn þarsíðustu helgi.

Kristján Elí og Ingvar Andri.

Stórkaup síðustu viku... við ákváðum að fjárfesta í Kitchen Aid blender. Nú er boostað út í eitt og Björk fékk að gera fyrsta boostið handa okkur, mjög kát með þetta, kunni þetta alveg frá því hún var hjá ömmu Ásu og Ásdísi síðasta sumar :)
Hann er allavega mikið notaður og búið að vera gaman að þróa drykkina.

Knus
H.

Vorönn

2007-02-05T09:33:00.000Z

Allt komið af stað aftur.
Skólinn byrjaður, endaspretturinn.. 6. önn.. loksins farið að sjást í ba gráðuna.. útskriftina langþráðu. Önnin verður spennandi með skemmtilegum valfögum og ba ritgerð.

Ég losna svo við gipsið á miðvikudaginn og fæ að sjá skurðinn dularfulla. Hef ekki hugmynd um hvernig hann lítur út eða hvað hann er stór, vona bara að ég fái ekki sjokk þegar plásturinn verður rifinn af...

Litli maðurinn er búinn að vera veikur af og til þessa vikuna, með hita, smá eyrnaverk og núna illt í hálsinum. Það er búið að vera pest tími hjá öllum litlu strákunum hér ved dammen, allir náð sér í hita og hósta.

Og atburður dagsins..... Ingvar fær loksins loksins mótorhjólið sitt í dag. Er lagður af stað til óðinsvéa að sækja gripinn og kemur örugglega ískaldur á öllum útlimum í dag með frosið bros á vörum þar sem það er bara 5 stiga hiti en sól og fallegt veður. Það er nefnilega von á snjó og slyddu í vikunni og ekki hægt að sækja hjólið í slíku veðri.

Knus
H.

...hann á afmæli hann gunnar Ingi

2007-01-31T13:55:00.000Z

Gunnar og Sunna

Nú er litli bróðir óðum að nálgast stóru systur sína í aldri, eða mér finnst það allavega.. aldursbilið minnkar eftir því sem að maður eldist, honum finnst ég kannski vera hundgömul :)

Guttinn er nefnilega 23 ára í dag!

Til hamingju með afmælið Gunnar Ingi!!
Knús og kossar frá okkur í álaborginni.

H.

ps. eruð þið byrjuð að skoða nám í dk ??

fyrsti snjórinn

2007-01-23T20:59:00.000Z

Ákvað að setja inn mynd af kryddjurtunum sem eru að taka við sér í vorveðrinu í janúar. Við getum ennþá gengið að fersku rósmarín, oregano og timian...

Loksin loksins kom snjórinn og auðvitað nýttum við okkur það og sóttum börnin fyrr í skólann og fengum okkur smá göngutúr í hverfinu í yndislegu veðri.

Við fáum að hafa snjóinn í nokkra daga, byrjar að rigna og hvessa á fimmtudaginn. Spurning hvort það snjói aftur... lítur ekki út fyrir það.

Knus
H.

janúarmyndir

2007-01-23T20:29:00.000Z

Björk byrjaði nýárið að þrífa flotta hjólið sitt í góða veðrinu.

Kristín í einu af okkar nauðsynlegu kaffispjalli í próflestri.

Upprennandi kokkur, vill ólmur vera með í eldamennskunni og fá að sjá hvað verið er að kokka á heimilinu.

Ingvar Andri elskar vörubílinn sinn!

Já!! sönnunin á nýja hobbíinu hans Ingvars :)
Honum leiðist aldrei...

Knus
H.

komin vika!

2007-01-23T11:48:00.000Z

Er öll að koma til eftir aðgerðina, minni beinverkir og verkjatöfluskammturinn er komin niður í 1/3. En þetta er ekki það skemmtilegasta í heimi að vera einhent! Geri eins mikið og ég get heima með hægri hendinni - get sett í vél og í þurrkarann, en ekki hengt upp - er farin að geta klætt mig í og úr ein :) - gert smá tiltekt - úff hvað það er erfitt að vera svona fatlaður...

Fór með Ingvari í búðina í gær og reyndi að kaupa matvörur sem að ég þyrfti ekki hjálp við þegar ég fengi mér að borða, eins og skorið brauð og sneiddan ost.
Máttinn í vinstri hendina fæ ég vonandi fljótlega, fæ verk inn í bein þegar ég reyni að nota hana eða þegar ég sný hendinni óvart. Ég reyni að hlífa henni á meðan gifsið er og svo get ég byrjað að liðka hana og æfa þegar ég losna við það.
Kvíði samt í næstu viku þegar Ingvar þarf að fara til portúgals í reynsluakstur og verður í tvær nætur!! og ég get ekki keyrt bílinn.. veit ekki hvað ég geri, kannski maður blikki nágrannanna aftur ;)

Annars er alveg yndislegt veður hérna núna - Loksins kominn smá snjór og er heiðskírt og sól. Við ætlum að sækja krakkanna snemma í dag, draga fram sleðann og fá okkur göngutúr . Snjórinn endist ekki lengi, held að það byrji að hitna aftur á fimmtudaginn með rigningu og roki.

Loksins er Ingvar að klára próftörnina sína á morgun!! hann er búinn að vera í prófum síðan í enda nóvember, er orðinn mjög leiður og frústreraður á þessum próflestri. Hann getur glatt sig með mótorhjólakaupum í enda vikunnar. Já hvað getur maður gert!? hann vinnur víst fyrir þessu og meira en það, ég get ekki haldið aftur af honum mikið lengur... hef þó gert það í þó nokkurn tíma, þið vitið hvað hann getur verið erfiður þessi elska.
Hann er orðinn stór strákur og á þetta alveg skilið :)

Svo fáum við gest á morgun, eldeldgamlan vin Ingvars hann Gísla. Hann ætlar að vera hjá okkur yfir eina nótt... verður eflaust mikið spjallað um bíla, vín og úr.

Knus
H.

með "einari"

2007-01-17T11:07:00.000Z

Færslan mín í dag verður slegin inn með annarri hendinni eða með "einari" eins og Björk sagði oft þegar hún var lítil.

Ég var svo óheppin í gær að brjóta á mér vinstri hendina.
Ákváðum að skreppa í bæinn fjölskyldan eftir prófið hjá mér í gær, sem mér gekk bara vel í :)
Svo þurftum ég og Ingvar Andri að fara i musikalsk legestue og Ingvar og Björk ætluðu að versla eitthvað gott í salling og fara svo heim. Á leiðinni náði ég að flækja skóinn í annarri buxnaskálminni og féll svo kylliflöt á vinstri hendina sem ég bar fyrir mig í fallinu, dró litla manninn með mér og lenti hann líka kylliflatur - alveg ótrúlegt fall.

Ég náði að hringja í Ingvar þar sem hann var skammt frá og kom hann hlaupandi til okkar og ég beint á slysó með mikinn verk í hendinni og Ingvar Andri sem betur fer ómeiddur.
Teknar voru nokkrar röntgen myndir og ég send niður aftur. Brotið er ekki gott og vildi læknirinn láta sérfræðing í olnboga og handleggjum skoða þær betur og hann kæmi ekki fyrr en morguninn eftir. Ég var send heim með handlegginn i gipsi og svo yrði hringt í mig eftir fundinn.

Fékk þær slæmu of leiðinlegu fréttir áðan að það hefði flísast úr spolebenshoved - er ekki viss með hvaða bein það er eða hvort þetta sé rétt orðað hjá mér, en beinið liggur í framhandleggnum og þetta þýðir AÐGERÐ á föstudaginn til Farsø! Ekki gaman!

Hef aldrei áður lent í öðru eins - hef ADREI farið á slysó á ævinni!!!
Er enn að átta mig á þessu...

Læknirinn sagði að það væru líkur á að handleggurinn mundi ekki verða eins og hann var áður, gæti verið erfitt að rétta úr honum. Vona að það sé það sem að gerist í versta falli.

Allavega - aðgerð á föstudaginn til Farsø, svæfð og skorin, og væntanlega í gipsi í 3 vikur.

Nú vantar fjölskylduna hingað - Björk sagði áðan, "hver á þá að vera með okkur?"
Sem betur fer eigum við góða vinafjölskyldu hér sem getur hjálpað okkur, við nýtum okkur hjálpina frá þeim á meðan.

H.

Heimþrá

2007-01-15T08:46:00.000Z

Björk fékk vott af heimþrá í gær, gerist reyndar reglulega hjá henni.
Þegar hún talar við einhvern úr fjölskyldunni frá Íslandi þá á hún það til þessi elska að fara að gráta eftir að hún réttir okkur símtólið. Henni þykir svo ofurvænt um fólkið sitt heima og saknar þeirra mikið og þegar hún heyrir í þeim brýst út löngunin til að fara heim og sjá alla.. og þá renna tárin.

Hún spjallaði aðeins við Fríðu frænku sína í gær, sem að hringdi vegna bílamála.
Þau þurfa að versla sér nýjan bíl þar sem að þeirra bíll skemmdist í slæmum árekstri á keflavíkurveginum á föstudaginn. Sem betur fer eru Elín og Hansi heil á húfi, eru þó nokkuð lemstruð eftir þetta þar sem þetta var frekar harður árekstur.

Þegar það kemur eitthvað upp á hjá fjölskyldu og vinum er erfitt að vera langt í burtu og á þeim tímapunktum er heimþráin mikil.

Prófið loksins hjá mér á morgun! Þarf að verja ritgerðina mína og er í fyrsta skipti ekki með hnút í maganum. Hlakkar eiginlega bara til að fara í prófið og fá einkun fyrir verkefnið hjá mér. Er búin að lesa og glósa allt lesefnið sem ég valdi mér til prófs og er núna að undirbúa nokkra punkta fyrir morgundaginn - þannig að ég er bara nokkuð vel undirbúin og líður vel með þetta verkefni.

Ingvar er greinilega að njóta þess að vera í fríi, liggur sofandi við hliðina á mér og klukkan orðin hálfellefu!! Hann tók eitt spil með Kára í gær og voru þeir að til klukkan eitt.

Sendið mér góða strauma á morgun!

Knus
H.

Janúar...

2007-01-12T20:25:00.000Z

er próflestrarmánuður hjá okkur núna þriðja árið í röð og verður það einnig næstu tvö ár!
Ekki skemmtilegasti tíminn en án efa sá árangursríkasti.
Þessi tími verður reyndar skemmtilegri með árunum, þar sem við erum að taka próf úr þeim valfögum sem við höfum valið okkur, sem er frábrugðið því að taka próf úr skyldufögunum.

Valfag haustannar hjá mér er Hönnun og mat á upplýsingakerfum eða Design og evaluering af Informationssystemer. Í verkefninu tek ég fyrir netsíðu bókasafnanna á Íslandi www.gegnir.is, þar sem ég met hana útfrá ákveðnum aðferðum og skilyrðum til að finna út hvort hægt sé að betrumbæta hana með áherslu á enduhönnun þeirra atriða sem að eru til staðar og benda á önnur þjónustuatriði sem hægt er innvæða á netsíðuna... mjög skemmtilegt verkefni sem
ég get vonandi unnið áfram með í ba ritgerðina mína.

Ingvar hefur reyndar verið í löngum og ströngum próflestri sem byrjaði í enda nóvember og klára hann ekki fyrr en 24. janúar! Er búinn að taka 5 próf með góðum árangri og á eitt eftir.

Börnin okkar eru hraust og sæl og hafa nóg fyrir stafni í sínu á meðan foreldrarnir eru að læra.
Ingvari Andra er boðið heim til hans Christophers sem er með honum í leikskólanum í 4ja ára afmæli á morgun foreldralaus í rúma 4 tíma, vona að það gangi vel.

Hugsið vel um ykkur!

Knus
Hildur

Nokkrar myndir með (geri allt fyrir hana Rúnu mína)

Björk fór að skauta á skautasvellinu flotta - datt bara einu sinni, var fljót að ná tökum á þessu þrátt fyrir að liðið hafi ár síðan hún fór síðast.

Björk og kanínan hennar Plet sem hún hugsar um í Byggeren, sem er frístundaheimilið sem hún fer í eftir skólann.

Jóla og áramótamyndir

2007-01-11T21:12:00.000Z

Jólamaturinn - Krakkarnir fengu að narta í sitthvort kalkúnalærið, fannst það æði.

Ingvar Andri fékk að stóran vörubíl og tvær gröfur, planið er að fá stórann sandkassa fyrir strákanna í húsinu með vorinu svo þeir geti farið í gröfuleik úti.

Björk fékk æðislega vor og sumarkápu í jólagjöf frá okkur

Og já! er byrjuð að skokka á nýju ári - ein mynd til að sanna það :)

Ingvar Andri var rosa flottur sjóræningi í gamlárspartýinu

Spjallað í sófanum hjá Sigrúnu á gamlárskvöld

Smá flugeldashow garðinum hjá okkur

Gullbrúðkaup

2006-12-31T14:04:00.000Z

Þann 4. ágúst áttu tengdaforeldrar mínir 50 ára brúðkaupsafmæli.
Set inn nokkrar myndir af eftirminnilegu kvöldi úr veislunni sem var haldin í Ingólfsstrætinu.

Grillað í garðinum með Ingvar yfirgrillara við stjórn, fengum yndislegt veður.

Ein mynd af litlu sætu íbúðinni okkar með fallegu svölunum.

Jenný, Katrín systir hennar og Lilla frænka þeirra.

Það var mikið dansað og sungið.

Öll börnin fengu að sofa saman hjá ömmu Ásu.. og fengu að ráða matnum - pulsur og franskar :)

Sumarið 2006

2006-12-31T13:46:00.000Z

Ásdís skvísa
Steinunn syss og mamma - Við mæðgurnar skruppum á B5 í sumar.

Síðasta kaffihúsaferðin áður en haldið var heim með ömmunum.

Auðvitað fann Ingvar Andri mótothjól í kringlunni og vildi prufa...

Gleðilegt nýtt ár 2007

2006-12-31T11:10:00.000Z

Bjartur gamlársdagur í Álaborg.
Hér er fallegt gamlársveður, léttskýjað og 9 stiga hiti.
Börnin öll fjögur komin út í sápukúluleik og ég er að spá í að drífa mig út og taka einn skokkhring - eitt af nýársheitunum hjá mér verður meira skokk, best að enda árið 2006 á einu skokki til að koma mér af stað! :)
Var reyndar spáð hvössu veðri í dag, en það virðist hafa færst fram á nýársdag.

Kvöldið er að sjálfsögðu skipulagt með vinunum hér Ved Dammen.
Planið er að hugga sig yfir rackletti, með nóg af mat og góðum tíma til að borða.
Við vorðum uppi hjá Sigrúnu og Ella og förum svo niður í síðpartý hjá okkur með kampavíni, kransaköku og snakki, skjótum upp og horfum á áramótaskaupið í gegnum tölvuskjáinn.
Kampavínið komið í kælinn og búið að kaupa einn lítinn pakka af lélegum dönskum rakettum - áramótanna á íslandi er mikið saknað, með flottustu kökunum og stærstu rakettunum... en það veður að bíða í tvö áramót til viðbótar.

Annars hefur árið verið ótrúlega viðburðaríkt hjá okkur familíunni í álaborg og einhvern veginn hefur allt gengið upp. Skólinn hefur gengið vel, fengum bæði vinnu í sumar með áframhaldandi vinnu hjá Ingvari, og svo var toppurinn á árinu flutningurinn í haust í þetta yndislega hús sem við fengum. já og svo náðum við að selja bimmann loksins :)
Höfum fengið ótrúlega hjálp frá foreldrum og vinum, án hennar hefði atburðarásin verið önnur - og erum við óendanlega þakklát öllum!

Næsta ár verður spennandi, við náum loksins að útskrifast með bachelor (35 ára!!, ég verð reyndar "bara" 34 ára :) ) og byrjum á master næsta haust, vinna næsta sumar heima eða hér.. og fáum að njóta vorsins og sumarsins í húsinu okkar.

Skelli inn nokkrum myndum eftir skokkið!

Knus
H.

Julehygge

2006-12-20T16:36:00.000Z

loksin loksins loksins komin í "jólafrí"

Ég skilaði ritgerðinni minni í dag og Ingvar tók síðasta prófið fyrir jól í morgun, sem var að sjálfsögðu klárað með stæl! Hann fékk einnig einkunina úr þýðingarprófinu i dag, stóðst það!!
Atburðamikill og góður dagur, alltaf gaman að sjá afrakstur i enda tarnar - og vinnan er vel þess virði þótt hún sé erfið á ákveðnum tímapunktum.

Nú þarf að klára það sem hefur setið á hakanum síðustu vikur.
Við eigum eftir að ákveða og kaupa inn fyrir helgina og þrífa! Einnig að jólahuggast aðeins í bænum og kaupa restina af jólagjöfunum.
Jólatréð sem við völdum og söguðum niður er komið upp með öllum fallegu jólakúlunum síðustu 15 ára - er voða fallegt og nýtur sín vel í nýja húsinu.

Það er búið að bjóða okkur í mat á jóladag! Kristín og Kári eru svo sæt að bjóða okkur í íslenskt hangikjöt og með öllu sem að því fylgir namminamm..

Takk fyrir öll fallegu jólakortin sem eru að berast inn í hús til okkar!! Við náum því miður ekki að senda jólakort í ár, ætlum að senda þess í stað kveðjuna rafrænt í ár :)

Jæja - Eldamennskan kallar!

Knus
H.

erum enn hér..

2006-12-15T07:32:00.000Z

Ég er að leggja lokahönd á verkefnið mitt. Ætla að klára í dag að skrifa restina með niðurstöðum, þá hef ég helgina, mánudag og þriðjudag að lesa yfir og laga. Ég hefði alveg viljað hafa viku í viðbót til að gera hana ennþá betri... verð bara ennþá skipulagðari með ba ritgerðina :)

Ingvar minn er búinn að vera í prófum og próflestri í mánuð núna!
Hann er orðinn frekar lúinn, þarf að lesa í mánuð í viðbót, tekur síðasta prófið 24.jan.
Er nú samt alltaf rólegur þessi elska, byrjaði til dæmis í heimprófinu sem átti að vera frá kl 9, ekki fyrr en seinni partinn því hann hélt að han ætti ekki að byrja fyrr en daginn eftir - var ekkert búinn að tékka á þessu nýlega - gerði ráð fyrir því að ekkert hefði breyst! Ótrúlegur, var svo minntur á þetta af stelpunum í grúppunni hans :)

Svo skilum við bæði þ. 20.des - það verður ljúft, náum að komast í einhverja jólastemmingu fyrir hátíðirnar og aður en við byrjum á næsta lestri.

Knus
H.

3.desember 1989 - Myrkramessa í MK

2006-12-03T10:10:00.000Z

Í dag eru ótrúlegt en satt 17 ár síðan við Ingvar "byrjuðum" saman.
Og við erum 34 ára, sem þýðir að við erum búin að vera saman helming af ævi okkar!
Þetta er dálítið skrýtið, mér finnst þetta ekki vera svona langur tími... erum við orðin svona gömul!?

Tíminn líður víst hraðar því eldri sem maður verður!

Og já við eigum þá líka 7 ára trúlofunarafmæli í dag:)

Það verður ekki mikið um hugguleg heit í dag saman. Ingvar er að fara í próf á morgun og svo annað próf á föstudaginn. Ég finn eitthvað sniðugt að elda fyrir hann í kvöld.

Annars verður kveikt á jólatrénu hér í öster uttrup í dag með athöfn, við mætum að sjálfsögðu á það með börnunum.

Gleðilegan 1. í aðventu

Knus
H.

Jólastemmingin byrjuð

2006-12-02T22:23:00.000Z

Desember bara kominn!

Við fórum í kvöldbæjarferð í gær að versla jólagjafir þar sem var opið til tíu í flestum búðum bæjarins og til tólf í salling - mikil stemming. Falleg jólaljósin og búið er að setja upp jólaþorp og skautasvellið flotta.
Í dag var svo hinn árlegi jólabasar í skólunum hjá krökkunum. Þau voru búin að undirbúa basarinn í nokkrar vikur og tóku virkann þátt í deginum með því að standa í afgreiðslu og fengu að versla og spila í lottó, þó aðallega Björkin.

Það er nú ekki mikið búið að skreyta eða baka hér, erum þó búin að baka piparkökur og skreyta þær, svo liggja jólakassarnir á gólfinu, við skreytum mæðgurnar á morgun með Ingvari Andra.

Ingvar Andri einbeittur við að skreyta piparkökurnar sínar, rosa flinkur við þetta, gaf systur sinni ekkert eftir. Hann er með góðar fínhreyfingar og var mjög þolinmóður við þetta.

Fórum í bæinn 1.des til að ná smá jólastemmingu. Bærinn er voða fallegur, skreyttur ljósum, jólaþorpið komin og vagninn með brenndu möndlunum og sykurhúðuðu eplunum verður alltaf á vegi manns þegar farið er í bæinn.

Jólabasarinn í skólanum og leikskólanum hjá krökkunum var í dag. Hjá Ingvari Andra var mikið af heimalöguðum sultum, smákökum og konfekti, ásamt heimaprjónuðum sjölum og öðru fallegu. Við mæðginin stóðum vakt í rúman klukkutíma þar og seldum eitthvað smá af smákökum og öðru góðgæti. Bjarkar bekkur seldi vöfflur, og stóð hún vakt þar í dag.
Um morgunin áður en basarinn byrjaði þá voru allir bekkirnir í skólanum með atriði. Bekkurinn hennar var með tónleika þar sem krakkarnir spiluðu á fiðlu og Björk ásamt Hrolf bekkjarvini sínum spiluðu á cello - þau báru af, rosa flott, spiluðu einbeitt og vel.

Knusar
H.

Eldað með vinum

2006-12-02T20:39:00.000Z

Við tókum okkur saman vinahópurinn við Ved Dammen og elduðum saman indverskan mat.
Fullt hús af börnum með, sem fengu að horfa á norrænt barna eurovision á meðan foreldrarnir borðuð.

Skvísurnar Sigrún og Kristín

Elli og Sigrún "uppi" nágrannarnir okkar góðu.

Krakkarnir inni hjá Björk að horfa á mgp barna eurovision.

Allir komu að eldamennskunni með einhverjum hætti.

Systurnar Kristín og Sigga, dálítið líkar :)

myndir-myndir-myndir

2006-11-22T09:32:00.000Z

Vinirnir Eiður Orri og Ingvar Andri að dansa með músíkinni uppí rúmi - rosa stuð og rosa gaman - thumbs up!

Björkin sæta

Ingvar Andri breyttist í hund -

Amma Ása fór með krakkanna í dýragarðinn skemmtilega.

D - day hjá Ingvari!

2006-11-22T08:58:00.000Z

Nú situr Ingvar greyjið í þessu leiðinda þýðingarprófi. Yfirleitt er hann ekki stressaður fyrir prófin hjá sér, en yfir þessu prófi hefur sést smá kvíði. Enda ekki skrýtið, þar sem hann er að taka prófið aftur og ef hann nær þessu ekki núna þá nær strákurinn ekki að útskrifast í vor!!
Krossa fingur XXX

Ingvar Andri fékk aftur ælupest í nótt, kastaði tvisvar upp og skalf úr kulda greyjið. Náði að sofna aftur hjá mér og Ingvar færði sig yfir í hans rúm til að ná góðum svefn fyrir prófið. Svo í morgun vaknaði guttinn með öllum hinum hinn hressasti, fékk sér morgunmatinn sinn, inn í herbergið sitt, setti tónlist á og byrjaði að leika sér og syngja... fljótur að jafna sig! sem betur fer :)

Annars allt gott af okkur. Ég er búin að eyða miklum tíma í að gera problemformuleringu að projektinu mínu, held loksins núna að ég sé komin með hana og get þá byrjað að lesa og skrifa. Ég er ein með verkefnið og þarf að skrifa 7500 orð ca.20síður - skila því 21. des. Hlakka til !
Var að senda á leiðbeinandann minn uppkastið að því sem ég er búin að skrifa, bíð svo eftir kommentum frá honum... vonandi góðum!

Knus
H.

Hafið þið séð nýju börnin okkar!?

2006-11-20T22:31:00.000Z

Við fengum ný börn í síðustu viku, gjörbreytt eftir klippingu. Ekki frá því að þau hafi orðið aðeins eldri.. Björk var með ákveðnar skoðanir hvernig hún vildi hafa þetta, fékk það sem hún vildi með smá breytingu. Litli pjakkurinn fékk hinsvegar engu að ráða...
Rosa flott klipping hjá báðum, enda eru þau glöð með þessa stóru breytingu.

Myndirnar tala sínu máli :)

Mamma í heimsókn

2006-11-20T21:59:00.000Z

Gaman að hafa ömmu sína til að kenna sér kapla og til að spila með, Björk var himinsæl með heimsóknina frá ömmu Ásu.

Amma Ása fór ein í bæinn að shoppa og keypti þennann flotta túnfisk í fiskibúðinni. Smakkaðist hann mjög vel :)

Björk fékk bók um hvernig eigi að gera vinabönd frá ömmu og afa þegar þau fóru til spánar "um daginn".

Vinkonurnar Björk og Melkorka

Pikknikk inn í herbergi hjá Ingvari Andra, djús og kökur - undir borði með fallegu teppin frá ömmu Jenný.

Ingvar mættur á svæðið með keðjusögina nýju, gleraugu og heyrnaskjól - skiptir öllu að hafa réttu verkfærin ;) Fékk Ella nágranna með sér í að saga við sem varð afgangs úr húsinu, nóg af eldivið til núna...

Bakað í ofninum... fyrsta tilraun

2006-10-30T09:53:00.000Z

Þá var komið að því að elda í ofninum, eftir nokkra daga upphitun.
Og auðvitað voru eldaðar heimabakaðar pizzur við mikinn spenning. Tókust þær mjög vel, ofninn hefði mátt vera aðeins heitari, þær voru í smá tíma að eldast - en góðar voru þær!

Það tekur smá tíma að ná tökum á ofninum. Hann þarf 14 kíló af eldivið á hverjum degi til að hann haldi sama hitastigi, þá á efri ofninn að vera 250 gráður hvenær sem er sólarhrings.

Ofninn er risastór, örugglega tvöfalt stærri en venjulegur bakaraofn.
Gott að geta gripið til ofnsins þegar bakaofninn er í notkun og svo auðvitað er planið að vera dugleg að baka brauð í honum :) Vantar bara góðar brauðuppskriftir, endilega sendið mér einhverjar góðar, helst hollustubrauð með spelti og kornum.

Björkin byrjuð að búa til jólagjafir. Tók fram málningasettið sitt og gömlu svuntuna sína - vel græjuð daman :)

Annars eru mamma og pabbi að koma í heimsókn, og hlakkar öllum rosa mikið til að fá þau í nýja húsið. Mamma kemur á fimmtudagskvöldið seint og verður í 10 daga. Pabbi kemur 8.nov og þau fara svo saman heim. Þau ná fyrstu köldu haustdögunum hér með einhverri sól. Skárra en það sem er búið að vera heima, en reyndar er að hlýna þar og kólna hér.. að venju omvendt.

Sama ástand hjá okkur. Net, síma og sjónvarp fáum við í kringum 8. nóvember - erum búin að þrauka þetta í heilan mánuð. Svosem ágætt að vera sjónvarpslaus í einhvern tíma en net- og símaleysið er búið að vera okkur mjög erfitt. Sérstaklega þar sem við höfum ekki tileinkað okkur þá hefð að vinna og lesa uppí skóla eða á bókasafninu, gerum allt að heiman.
Svo verður hringt í alla þegar síminn kemst í samband :)

Tíminn hjá okkur breyttist um helgina, nú erum við bara klukkutíma á undan.
Rosa sniðugt system, nú er aftur bjart þegar við vöknum á morgnanna.

Knus
H.

Lífið er ljúft Ved Dammen

2006-10-24T09:37:00.000Z

Börnin að fylgjast með Ingvari að setja saman rúmið í annað skiptið! og það síðasta! Held að það verði keyptur nýr rúmbotn þegar við komum heim til Íslands.

Ingvar Andri vildi fá hádegismatinn út þar sem honum fannst vera svo huggulegt í góða veðrinu. Og kominn með nýjan "fara hjá sér" svip..

það var kveikt í báli úti til að brenna nokkrum pappakössum og rusli úr flutningum. Það fannst einn stjörnuljósapakki hjá Sigrúnu og Ella við góðar undirtektir krakkanna og svo voru grillaðir sykurpúðar og settir í kexkökur að dönskum hætti.
Feðgarnir að spila PS, nema öðrum þeirra leiddist mikið að bíða eftir að komið væri að sér og sofnaði, enda mjög þreyttur eftir daginn.

Átti að koma ein mynd (kunni ekki að eyða annarri) En allavega er verið að kynda upp í ofninum í fyrsta skipti - mikil serimonia :)

Er mikið að kubba og gerða þennann fína bíl með stýri og sæti.. mjög glaður með þetta.

Þegar búið var að koma sér fyrir í herberginu voru skabalónin frá Fríðu og Hansa sett í gluggann loksins, búið að bíða lengi eftir því.

fleiri myndir

2006-10-24T09:20:00.000Z

Ingvar Andri sofnaði á gólfinu í skalló þegar við þrifum það að kvöldi 1. okt. Hann svaf af sér öll þrif og opnaði ekki einu sinni augun þegar hann var fluttur á milli húsa seinna um kvöldið.

Allir þreyttir, þó sérstaklega sumir ;)

Björk að koma sér fyrir í nýja herberginu sínu, er að raða fötunum sínum í skápinn sinn stóra.

Ein mynd frá því ég fór til köben. Mér fannst þetta svo kjút útisvæði á milli húsanna, þar sem börn og foreldrar hittust seinni part dags.

myndir myndir

2006-10-24T08:52:00.000Z

Skelli hér inn nokkrum myndum á meðan ég er að vinna á bókasafninu og er með netsamband :)

Fyrsta nóttin, allir sváfu á dýnu í hjónaherberginu.

Elli og Ingvar tóku forskot og sváfu nóttina fyrir flutning í húsinu. Til að passa upp á það sem búið var að flytja. Tóku auðvitað eitt spil með nokkrum ölum.

komst á netið :)

2006-10-10T15:14:00.000Z

Sit með tölvuna hér í lobbíinu á hótelinu í köben.

Það er eitthvað vesen með með tengingu á síma og neti inn í húsið hjá okkur, TDC segir að það komist í gang þann 8. nóvember!!! hvorki meira né minna og við verðum gjöra svo vel að bíða eftir því! því miður erum við ekki fær í að rífa kjaft á dönsku, en svona mundi maður ekki láta bjóða sér á íslandi. Við vitum ekki hvað er að, en þeir finna ekki tenginguna inn í húsið og þurfa að laga eitthvað hjá sér og það tekur takk fyrir heilann mánuð...

Húsið er æðislegt og okkur líður rosalega vel þar. Gæti ekki verið betra :)

Þeir voru alla síðustu viku að klára húsið, mættir kl 7 á morgnanna - þannig að maður varð að koma sér á fætur áður en þeir bönkuðu á hurðina hjá okkur. En þetta skotgekk hjá þeim og kláruðu þeir stærstu verkefnin á föstudaginn, smotteríið klára þeir í vikunni.

Erum að koma okkur fyrir í rólegheitum, ásamt því að mæta í skólann og sinna hversdagsleikanum.
Skruppum til Ikea á föstudaginn og versluðum okkur 19 stk!! gardínur á 45kall stykkið, kommóðu inn til Bjarkar og fleira smádót.

Við setjum inn myndir við besta tækifæri eða þegar við komumst í netsamband :)

Ég er semsagt í köben núna í stúdentaferð. Ætla reyndar ekki að vera út ferðina, tek lestina heim annað kvöld. Svo er haustfrí í næstu viku, þannig að þessi vika og næsta nýtist vel í að koma sér fyrir og kannski maður læri eitthvað líka... þarf að starta verkefninu mínu sem fyrst og ætla að nýta tímann líka í það!

H.

net- og símaleysi

2006-10-10T10:50:00.000Z

vid verdum net- og símalaus fram til 4. nóvember takk fyrir!
gsminn verdur ad virka á medan...

annars læt ég vita betur af okkur, er núna í køben i studietur og fer heim á midvikudagskvøldid, nenni ekki ad vera út vikuna.

Húsid nýja er ædislegt - algjør draumur :) !

knus
H.

Innbrot í nýja húsið!

2006-09-27T16:09:00.000Z

Það var brotist inn í húsið í nótt!
Það var farið inn um einn gluggann inn í svefnherbergi hjá okkur, hann skemmdur og þaðan komust þeir inn og stálu öllum verkfærunum fyrir utan þeim sem ekki er hægt að burðast með léttilega, ofninum og helluborðinu á báðum hæðum!!!
Semsagt vantar einn glugga og eldunartækin og 4 dagar í flutning.
Og eigandinn á hjólaferðalagi í Frakklandi og kemur ekki fyrr en á sunnudaginn!

Það var víst farið í fleiri nýbyggingar hér á svæðinu og stolið sömu hlutum.

Við vorum að spá hvort við fengjum eitt herbergi í vikunni til að byrja að flytja kassa og fleira á meðan - eins gott að við gerðum það ekki.

Nú er bara að krossa fingur og vona að þeir reddi þessu áður en við fáum afhent...
Annars sofum við útí kolonihúsi bara :)

H.

5 dagar í flutning!

2006-09-26T19:45:00.000Z

Opið inn í eldhúsið, kominn flíslögð stétt fyrir framan og hellulagt meðfram húsinu.

Séð inn í eldhúsið hjá Sigrúnu og Ella og inná baðherbergið.

Stofan hjá okkur, hægt að ganga inn í hana úr holinu á vinstri hönd.

Eldhúsinnréttingin komin upp, fáum fína skápa sem snúa að borðstofunni.

Björk í eldhúsinu og opið út í garð - huggó :)

Og ofninn flotti, hann á víst að kynda það mikið að það við getum slökkt á hitnanum þegar við kyndum upp í ofninum. Hitinn hjá okkur er í öllum gólfunum.

Annars allt gott, allir orðnir spenntir hér að flytja.
Mikil vinna eftir að koma sér fyrir og þrífa skalló ásamt skilum á verkefnum í skólanum! Svo ætlar Ingvar að fara á miðvikudaginn yfir til Svíþjóðar að testa bíla, verður sem betur fer í einn dag og stutt fyrir hann að fara núna.

Og góðar fréttir!! Mamma ætlar að koma í heimsókn til okkar í byrjun nóv. og verður í rúma viku - Hlakka mikið til að fá hana til okkar, við huggum okkur í nýja húsinu :)

Ingvar Andri var ekki sáttur við mig á sunnudaginn þegar ég var búin að pakka niður næstum öllu dótinu hans, spurði hvar ákv. bók væri og sagði svo mjög fúll "æiii nei mamma" Verður örugglega glaður að taka upp dótið aftur á nýjum stað.

Ég reyni að setja inn myndir um helgina, ef ég get, eða á mánudagskvöldið, sjáum til.
Er allavega orðin mjög lúin núna, ætlaði að þrífa eldhússkápa í kvöld en ég held að ég orki það ekki.

Góða nótt

H.

Það helsta..

2006-09-17T08:47:00.000Z

Nú er sólarvertíðinni lokið, erum búin að fá æðislegt veður í síðustu viku, sól og hita. Höfum notið þess og verið í garðinum og spókað okkur aðeins í bænum.. grillað og haft það gott.
Þá er að sættast við það að haustið sé komið, laufin að roðna og kólnandi veðurfar.

Pökkunin er komin vel í gang, pakkaði ég hluta af eldhúsinu og við Björk pökkuðum herberginu hennar í gær.
Þetta verður heljarinnar vinna að pakka, flytja og þrífa - er fjölskyldunnar sárt saknað :)

Ingvar fór á föstudaginn til Faro í Portúgal, hann var það síðast fyrir 15 árum, þegar við vorum í útskriftarferðinni okkar :) þurfti að að taka 3 vélar til að komast þangað og tekur svo 3 vélar til baka, plús lestina til Álaborgar. Langt ferðalag fyrir einn dag í reynsluakstur! Lagði af stað fyrir kl. 6 í morgun í flug til Lissabon, svo til London og svo áfram til Köbenhavn, tekur lestina þaðan til Álaborgar og verður kominn rétt fyrir níu í kvöld...

Hann tók sem minnstan farangur, kom öllu í þessa litlu tösku sem er í leyfilegri stærð sem handfarangur.

En hann var rosa glaður með þennann eina dag, var á 5 stjörnu hóteli, fékk bílinn sem hann vildi, fékk reynsluakstur með frægum ökumanni og spjallaði við aðalfólkið á staðnum. Hann er fær í að ná sínum markmiðum strákurinn!

Ingvar Andri ákvað einn daginn að gera alveg eins og pabbinn sinn, vildi pissa í klósettið alveg eins og hann!! Pabbinn tók undir þetta hjá syninum, allt gert til þess að hann pissi í klósettið. En því miður fer ekki allt ofan í skálina, fer aðeins á bolinn, á gólfið fyrir framann klósettið, aðeins til hliðar, og stundum er maður svo mikið í spreng að bunan nær alveg yfir skálina!
Einnig þarf að halda lillanum líka við þessa athöfn og við það blotnar hann á höndunum...
Það verður tekið fyrir þetta strax, ég nenni ekki að standa í þessu, sérstaklega ekki í nýja fína baðherberginu. :)

Það er verið að vinna í húsinu langt fram á dag, einnig um helgar.
Greinilegt að maðurinn ætlar að standa við gefna dagsetningu. Hann stefnir að því að klára fyrir föstudaginn, þar sem hann er að fara til frakklands í hjólaferðalag. Við getum þá fengið að flytja hluta af búslóðinni yfir og byrjað að mála og þrífa á skalló, ekki veitir af tímanum.
Það verður hiti undir öllum flísunum á okkar hæð, eldhúsinnréttingin verður hvít og dökkgrá - gátum því miður ekki breytt því, en við komum með fyrirspurn með að fá gaseldavél, vonum að það gangi eftir. Annars eru þeir að klára að ganga frá húsinu og mála að innan, síðan setja þeir innréttingarnar upp og tækin, ætti ekki að taka langann tíma - þá er húsið tilbúið til flutnings.

Mynd af sturtuklefanum, getið séð flísarnar þar og á gólfinu í baðherberginu.

Jæja, börnin, læra og pakka :)

H.

2006-09-11T07:47:00.000Z

Jæja elskurnar, eins og sést á litlum skrifum hér, er farið að aukast hjá okkur verkefnin á heimilinu.

Skólarnir eru komnir vel í gang og ég er byrjuð að skipuleggja tvö verkefni.
Þarf að klára fyrri hlutann í öðru verkefninu áður en við flytjum, ég þarf að kynna þann hluta munnlega 4.okt. Verkefnið er prófverkefni í tveimur hlutum, nær yfir önnina.
Og stærra verkefnið sem ég tek í valfaginu Design og Evaluering af Informationsystemer, þarf ég að byrja á, ákveða hvað ég ætla að skrifa um og skipuleggja það.

Nóg að gera hjá Björkinni... hún byrjaði í síðustu viku að spila celló aftur eftir tveggja ára hlé!
Hún er mjög sæl með að vera byrjuð aftur, var ekki að finna sig í fiðlunni síðasta vetur. Hún heldur samt áfram að spila á fiðluna í skólanum í vetur.
Hún byrjar í dag að mæta í íslensku tíma, þarf að hjóla þangað eftir skóladaginn. Þar verður hún með fleiri íslenskum krökkum og verður í tíma með eldri nemendum.
Á þriðjudögum eru skátakvöld í öster uttrup, þar hittir hún krakkanna úr hverfinu.

Ingvar Andri er hinn glaðasti þessa daganna. Honum hlakkar til að fara í leikskólann, og þegar við sækjum hann er hann alltaf brosandi. Svo þegar hann kemur heim vill hann vera úti að hjóla með Eið vini sínum eða dunda sér inní herberginu sínu - mjög sáttur.

Myndin er af þeim vinum á bmw-formula bílnum hans Eiðs, Ingvar Andri var MJÖG hrifinn :) Skiptust þeir á að ýta hvor öðrum, rosa gaman hjá þeim.

Hann er byrjaður að mæta einu sinni í viku í musikalsk legestue, þar sem nokkur börn og fá að spila á hljóðfæri og syngja. Honum fannst þetta rosa gaman, söng og tók þátt í öllu sem gert var, fylgdist með einbeittur.

Einnig er hann farinn að minnast á að fara til Ömmu Ásu í heimsókn, er alveg til í að fara í lestina og flugvélina aftur til að komast til Íslands. Talaði um þetta nú síðast í morgun við morgunmatinn :)

Nú er komin aðeins betri mynd á húsið, komin gólfefni og búið að loka öllum hliðum. Hjá okkur eru komnar ljósar flísar á öll gólf nema baðherbergið, þar sem eru dökkar flísar.
Það er fínn gangur í þessu núna og hann ætlar að standa við dagsetninguna sunnudaginn 1. okt. Það er eins gott að það standist, þar sem við þurfum að skila skalló þann 2. okt. kl 11.30 :)
Við byrjuðum að pakka um helgina og erum búin að ákveða að mála og kannski að pússa yfir parketið niðri.. verður semsagt nóg að gera hjá okkur næstu 20 daga!

Húsið séð frá tjörninni í gær í yndislegu veðri. Risið, baðherbergið hægra megin og eldhúsið vinstra megin. svo eru herbergi strákanna innaf eldhúsinu.

Eldhúsið og borðstofan, hurðin útí garð er tvískipt og svo ljósu flísarnar á allri hæðinni. Þvottaherbergið er við endann á eldhúsinu og þar fyrir innann eru herbergi krakkanna.
Yfir öllu húsinu er risloft - nýtist okkur mjög vel. Þurfum ekki að leigja okkur geymslur fyrir 300dkr á mánuði!

Svo er Ingvar að fara á föstudaginn til Portúgals, verður þar í 3 daga að reynsluaka porsche, ekki leiðinlegt það!

Við lentum í dýrindis sushi veislu hjá Kristínu og Kára á laugardaginn, hún Kristín er snilldarkokkur og maturinn var algjört æði! Takk fyrir okkur Kristín :)
Þegar við erum flutt ætlar Kristín að koma yfir og kenna mér listina við að matreiða sushi...

Fleiri myndir í vikunni!

H.

Ingvar kominn!

2006-09-03T10:05:00.000Z

Nú er fjölskyldulífið okkar hér í Álaborg orðið virkt aftur, Ingvar kom loksins heim i gær.
Hann er búinn að vera í tæpa þrjá mánuði að heimann, fór á undan mér og kom 10 dögum á eftir mér.. vildi ná sem mestu úr sumrinu og hefur tekist það. Sannaði sig með stæl eins og honum er lagið og er kominn með fréttapassa frá morgunblaðinu, verður fréttaritari í vetur með náminu ásamt greinaskrifum fyrir bílablaðið - Nóg að gera hjá honum eins og alltaf, duglegur í því að hafa nóg fyrir stafni, hann lifir á því. Á meðan hef ég nóg með námið mitt og mundi ekki orka mikið meira en það - svona erum við ólík :)

Ætlum að kíkja á nýja húsið á eftir og kannski ég plati hann í að ná í flutningskassanna með mér, þeim er vel pakkað ofan í tréflutningkassa sem er út í geymslu - þá getum við byrjað að pakka.

Fyrsti skóladagurinn hjá mér var á föstudaginn. Önnin leggst bara vel í mig, verður aðallega unnið með verkefni og er lestur og kennsla í valfaginu mínu bara í september, eftir það verður engin tímasókn í því fagi og unnið með verkefnið, skil á því er 21.desember. Munnleg vörn á því er í janúar. Svo er ég í öðru skyldufagi þar sem ég skila líka af mér verkefni, en það er mikið minna og skilast sem munnlegur framurður í tíma, ekkert próf.
Gaman að vera á síðasta ári, senior nemi.. þ.e. i bachelor :)

Jæja Ingvar búinn að snyrta sig - ætlum að renna yfir í öster uttrup

H.

Rútínan byrjuð

2006-08-30T18:44:00.000Z

Hér er allt að komast í rútínu aftur.

Krakkarnir byrjaðir í skólanum og leikskólanum, Ingvar Andri var fljótur að kveðja mig á mánudaginn þegar ég fór með hann í leikskólann, vildi fara inn og leika við krakkanna. Sagði að þetta væri leikskólinn sinn, glaður að byrja aftur.
Björk er byrjuð í gæslu eftir skólann hjá sér sem er svo gaman í að hún kemur heim þegar gæslan lokar eða um klukkan hálf sex, drulluþreytt og svöng, hefur þá gleymt að borða yfir daginn - hún er dálítið gjörn á að gleyma að borða, segir að það hafi ekki verið tími, var bara einn matartími segir hún. Hún er smá utan við sig þessi elska.
Hérna er mynd af þeim dauðþreyttum eftir skóladaginn að horfa á barnaefni í sjónvarpinu:

Amma Día og Björg frænka komu í heimsókn í dag. Fór ég með þær smá rúnt í öster uttrup, sýndi þeim nýja húsið okkar og sumarhúsið, enduðum svo í bænum þar sem var tekinn stuttur túr. Amma var orðin lúin eftir daginn og gat ekki labbað mikið. Ég eldaði snemma og við gátum borðað úti saman áður en þær lögðu af stað til Horsens.

Ingvar Andri var svo heppinn í gær, mamma hans fann rosa flottann Cars bol í h&m, fór hann mjög svo stoltur í bolnum í morgun, sagði öllum að þetta væri CARS!

Er að benda á hann:

Hjá mér er líka allt að komast í rútínu. Ég er byrjuð að prenta út skólagögn og á að mæta á föstudaginn í fyrsta tímann, þarf meira að segja að lesa smá. Gaman gaman!

H.

Kolonihavehus - Myndir

2006-08-27T19:05:00.000Z

Eplatrén tvö, orðin mjög stór.
Beðið vinstra megin, falleg bleik blóm á trénu.

Tréð með pínulitlu eplunum, hægt að sulta þau bráðum.

Gróðurinn blómstrar mismunandi yfir sumarið, ein plantan tekur við af annarri.

Rauðu eplin orðin næstum æt, dáldið súr enn þá, verða tilbúin í september.

Þessi grænu eru súrari.

Mjög snyrtilegt hekkið og fyrir framan, þarf að raka upp grasinu fyrir framan sem er fljótt að spretta í rigningunni. Kristín rakaði fyrir rúmri viku síðan.

Nóg af eplum!

Bestu kveðjur til tengdó!

H.

Dagurinn í dag...

2006-08-27T18:28:00.000Z

Ég fór með krakkanna í gær og sýndi þeim nýja húsið, Björk fannst mest spennandi að sjá hvernig herbergið hennar leit út, og valdi hún strax stærra herbergið sem er garðmegin - búin að panta það semsagt.

Einnig kíktum við í sumarhúsið, leit það vel út en tómlegt var að koma og engin að taka á móti okkur. Garðurinn er í fínu standi, ekki mikið af illgresi og mikið af gróðrinum er úr sér vaxinn eftir vætusamann ágúst mánuð.

Ég er búin að eiga ánægjulegan dag með vinum hér í áló. Gerðist svo myndarleg og bakaði köku fyrir sjálfan mig og bauð í kaffi :)
Saknaði þín í dag Ingvar!
En nú sit ég ein með kertaljós og hef það kósý, búið að flóðrigna síðan klukkan sex í dag, og viti menn ég er að hlusta á tónlist líka! magnarinn er kominn í gang og hefur ekki slökkt á sér. Veit ekki hvað var að angra hann, örugglega notkunarleysi.
Ingvar Andri er að sofna og Björk fékk heimsókn frá Thelmu vinkonu sinni, eru þær uppi núna að spjalla. Svo er ég að spá í að horfa á einhverja stelpumynd í kvöld, bridget jones eða down with love, hugga mig aðeins :)

enn fleiri myndir - restin

2006-08-24T19:45:00.000Z

Garðurinn!! verður gras og hekk, hann ætlar að klippa hekkið niður.

Eldhúsglugginn hjá Sigrúnu og Ella, snýr út í garðinn.

Séð út að tjörninni.

Þvottahúsið - verulega næs og gott pláss:

fleiri myndir...

2006-08-24T19:25:00.000Z

Sturtan

Séð frá tjörninni að húsinu, sólskálinn/herbergið okkar og bílskúrinn hægra megin.

Göngustígur með hliði að tjörninni.

Séð úr holi inn í stofuna.

Stofan.

Annað herbergið, var lokað þar sem þeir geyma öll tækin þar. Er jafnstórt og hitt herbergið og glugginn er að framanverðu húsinu.

Séð inn í herbergið okkar og skúrinn.

Séð úr garðinum inn um eldhúsútganginn.

Hérna kemur stór og langur pallur meðfram.

Ofninn og holið vinstra megin, úr holinu er gengið inn í baðherbergið og inn i stofu:

myndir af húsinu ved dammen

2006-08-24T18:41:00.000Z

Séð úr eldhúsinu/ofninum inn í borðstofuna og herbergið okkar/sólstofuna.
Ofninn! Snýr inn að eldhúsinu.
Annað herbergið, garðmegin, þvottahúsið til hægri og hitt herbergið til vinstri.

Baðherbergið, sturtan er vinstra megin bakvið vegginn.

Kristín stendur fyrir framan eldhúsið, á að koma innrétting út á gólfið fyrir framan hana.

Björk og Ingvar Andri í flugvélinni - sæt!

Ingvar Andri valdi þetta til að lúlla með fyrstu nóttina heima, possje og hluvelina.

Séð inn í bílskúrinn á hlið hússins sem snýr að tjörninni.

Björk valdi líka alla sína bangsa til að lúlla með.

Séð inn í holið:

síðasti vinnudagurinn!

2006-08-18T11:22:00.000Z

Jæja, nú er komið að því, síðasti vinnudagurinn minn á bókasafninu er í dag!
Býst ekki við öðru en að hann verði jafn rólegur og allir hinir dagarnir sem hafa verið í sumar.
Reyndar byrjaði dagurinn á góðgæti úr bakaríinu, kaffi og svo var skálað í Gammel Dansk fyrir þeim sem að hætta í dag. Voða næs og að sjálfsögðu fékk ég mér líka til að geta skálað með liðinu :) Ég býð svo upp á bakarísköku með kaffinu í dag.

Svo er ég bara komin í frí þangað til 1.sept., fyrsti tíminn er þá í skólanum hjá mér, næ nokkrum frídögum hér og heima - en samkvæmt veðurspánni á dmi.dk lítur ekki út fyrir það að ég fái sól og hita þegar ég kem, tíminn verður þá bara nýttur í að koma sér fyrir og ganga frá eftir 2 mánaða fjarveru.

Og að sjálfsögðu verður nóg að gera framundan;
... í kvöld er okkur boðið í matarbjóð ásamt Brynju, Sibba, Rúnu og Sigurvin hjá þeim Eddu og Rósa - langt síðan vinahópurinn hefur náð að hittast, gaman!
... á morgun er svo menningarnóttin, maður kemst ekki hjá því að kíkja aðeins á hana, rölta í bænum og skoða mannlífið, kíkja í búðir, sníkja cabú hjá Hansa og Fríðu þar sem það verða örugglega öll kaffihúsin þéttsetin og við erum ekki fólkið sem að nennir að bíða í biðröð!
... á sunnudaginn ætlum við Ingvar að bjóða familíunni minni í mat, erum að spá í að hafa racklett með fullt af meðlæti og sósum, borðað lengi og hægt!
... svo nýtast mánudagurinn og þriðjudagurinn í það sem þarf að gera áður en maður fer heim, heimsóknir, kaupa íslenskar nauðsynjavörur og að pakka fyrir þrjá í sem fæstar töskur! Mér kvíður smá fyrir því að ferðast með börnin ein og allann þennan farangur - verð þreytt og sveitt þegar ég kem heim :)

Ég hef ekki náð netsambandi á tölvuna mína heima og get þar af leiðandi ekki sett myndir inn á síðuna, ég kíki á það um helgina...

Ætla að fá mér lunch.

H.

Á leið í Öster Uttrup!

2006-08-10T13:41:00.000Z

Það er búið að skrifa undir leigusamninginn að húsinu okkar, Sigrúnar og Ella.
Við erum svo glöð með þetta og trúum þessu varla ennþá! Fáum fallegt nýtt hús og góða vini sem granna! Tala nú ekki um að flytja nær þeim Kristínu og Kára, sem eru hinum megin við götuna. Dáldið fyndið, það er eiginlega ekki hægt að vera mikið nær hvort öðru... vonandi verður þetta ekki of nálægt :)

Hverfinu urðum við skotin í um leið og við sáum það fyrir tveimur árum og búin að hafa orð á því við marga hvað það væri næs að eiga heima þar. Síðan var keyptur bústaður/kolonihavehus þar fyrir tengdaforeldrana, sem hefur verið mikið notaður af þeim og við gátum hjólað í gegnum hverfið til að komast í bústaðinn. Síðasta vor finnur Kristín vinkona húsnæði þar sem að hentaði þeim Kára fullkomnlega. Þau fengu eitt af fallegustu húsunum í bænum, mikið öfunduð af því! Síðan þá hafa þau verið undir miklum þrýstingi frá okkur vinunum sem hún skildi eftir á skalló, með að finna hús fyrir okkur líka. Og það tókst eftir stuttan tíma og við komum aðeins 5 mánuðum eftir að hún flytur!
Takk fyrir hjálpina Kristín og Kári - við hefðum örugglega aldrei flutt yfir í öster uttrup ef þið hefðuð ekki farið þangað!

Og viti menn, ég sótti um vegabréf fyrir mig og Björk í GÆR og þau voru bæði komin með póstinum í morgun... búin til og send á innan við sólarhring! 10 virkir dagar segja þeir, hvað meina þeir með því!?

Allavega mikil tilhlökkun að komast heim í rútínuna, hitta vinina, byrja að pakka, fara í skólann og ná restinni af danska sumrinu.

H.

Helgin langa

2006-08-09T19:59:00.000Z

Síðustu helgi héldum við veislu fyrir tengdaforeldra mína. Veislan var haldin til heiðurs gullbrúðkaupi þeirra. En sama dag á Jenný tengdamamma mín afmæli og Fríða, Bjarni og Ingvar eru öll skírð þennann dag - semsagt margfalt afmæli þann 4. ágúst.
Veislan byrjaði fyrir kl 18 og var tjúttað fram til kl 2 - hörkustuð á gamla fólkinu, höfðu meira úthald en við unga fólkið...

Svo var tekinn Kani með Rúnu og Sigurvin á sunnudaginn. Mjög langt síðan ég hef spilað Kana, nokkur ár síðan held ég bara. En gaman að rifja spilið upp og spila við góða vini sem hafa mikið keppnisskap þegar spilað er, enda vant fólk. Spilað var fram á nótt.. eða þar til Rúna var næstum sofnuð við borðið - ekki skrýtið, þar sem hún var nýkomin úr flugi frá köben og að það er 2 tíma mismunur - þú stóðst þig vel Rúna mín :)
Væri til í að rifja upp Vist líka, er það ekki spilið þar sem er spilað með nóló, grand og tromp?

Það styttist í heimför og ótal hlutir sem þarf að gera áður en við förum. Það þarf að endurnýja vegabréfin hjá mér og Björk og það tekur tekur 10 virka daga!, panta tíma hjá kalla tannlækni, krabbameinsskoðun, kaupa lopa, lýsi og fleira og fleira -
Sendi í dag á skattinn bráðabirgðakæru - vona að það taki ekki langan tíma! Sendi einnig með kærunni það plagg sem að vantaði í mars. Eitt plagg!... og allar vaxtabætur falla niður hjá okkur - þurfum meira að segja að borga, í fyrsta skipti ever!!

Undirskrift á morgun á nýja húsinu okkar - þá ætti það að vera pottþétt að við flytjum. Vonandi stenst dagsetningin líka, hún gæti dregist eitthvað - kemur kannski ekki á óvart í danaveldi...

Björk byrjaði á leikjanámskeiði í gær og er hæstánægð, hún vaknar hress og glöð kl 8 (hefur sofið til hádegis í allt sumar) og er þegar búin að eignast tvær vinkonur. Ingvari Andra langaði með henni, skildi ekkert í því þegar ég sagði að þetta væri fyrir stóra krakka, en þá sagði hann "en ég er stór mamma!" Greyjið skinnið, það verður gott fyrir hann að komast aftur í rútínu.

H.

Þessi vakti okkur í morgun...

2006-08-03T12:25:00.000Z

.. Ingvar kom við hjá fjölskyldunni sinni, varð að sýna okkur tækið, enda ekkert smá tæki sem um er að ræða. Flottur ofurbíll með fallegu vélarhljóði... Gripurinn kostar víst um 33millj.
Toppurinn á sumrinu hjá Ingvari!

Þið lesið um þetta fljótlega :)

Sólin farin og gráminn kominn - en löng fríhelgi framundan!
Ingvar Andri spyr á hverjum degi hvort við séum að fara til Danmerkur núna, og alltaf fær hann sama svarið, ekki alveg strax. Björkin er alltaf bara sátt, ekkert fyrir henni haft, hún hefur það gott hjá ömmum sínum og öfum, frænkum og frændum - er bara glöð með það. Svo eftir helgina fer hún á leikjanámskeið hér í dalnum í tvær vikur fyrir hádegi. Hún hefur gott af því daman, þar sem hún er farin að sofa fram til hádegis á hverjum degi.

Það verður svo gott að komast heim í skólalífið til Danmerkur.
Við sjáum það svo vel eftir sumarið hér hvað maður hefur það gott úti.

H.

Tíminn líður..

2006-08-02T16:06:00.000Z

svo hratt hér, að maður bara gleymir að blogga! Sorry folks!

Auðvitað nóg að gera eins og alltaf þegar maður er á íslandi, vinna, börnin, fjölskyldan og vinir.
Svo erum við búin að vinna í því, með vinum okkar í danmörku, að festa okkur nýtt hús í öster uttrup, sem við ætlum að leigja með þeim Sigrúnu og Ella góðum vinum okkar í álaborg. Þau ætla að vera á efri hæðinni og við á neðri hæðinni og með þessum flutningum færumst við nær þeim Kristínu og Kára sem að fluttu frá okkur síðasta vor. Við getum þá haldið áfram okkar litla vina-samfélagi sem hefur skapast með þeim á síðustu tveimur árum! Gaman!

Mér finnst þetta samt enn vera óraunverulegt. Að flytja í draumahverfið (búin að stefna að því síðan við fluttum til álaborgar), fáum NÝTT hús, bílskúr fyrir bílamanninn minn, sólskála og finnskan ofn - sem hefur líka verið einn af þeim hlutum á óskalistanum. Einnig verðum við nær sumarhúsinu og eigum vonandi eftir að nýta það enn meira... - Ótrúlegt!
Við fáum kannski einhverjar myndir til að setja á síðuna hér fljótlega.

Flutningur er áætlaður 1. október og vonandi stenst sú dagsetning því okkur hlakkar mikið til að komast frá skallerupvej og líka að koma okkur fyrir áður en skólavertíðin hefst.

Annað - Sumarblíða hér í borginni, maður lifnar allur við og endurnærist!
3 daga fríhelgi að nálgast!
Ætlum að halda upp á gullbrúðkaup tengdaforeldra minna næsta laugardag með mikilli veislu hjá Fríðu mágkonu. Vonandi fáum við veðurblíðu þá og getum notið þess að vera í huggulega garðinum í ingólfsstrætinu.
Matarboð er svo planað á sunnudaginn hjá Rúnu og Sigurvin. Rúna kemur reyndar heim á sunnudeginum frá köben, vonandi verður ekki seinkun! Hún lenti í seinkun á leiðinni út og það hjá icelandair... annars bara annan dag rúna mín :)

Svo styttist í að maður komi heim!!

H.

mamma á afmæli í dag!

2006-07-26T18:08:00.000Z

*** Til hamingju með afmælið elsku besta mamma! ***

Börnin okkar eru í bústað með foreldrum mínum og við erum búin að vera barnlaus síðan á sunnudag. Voða skrýtið, við söknum þeirra mikið, liggur við að manni leiðist það bara - svona er maður háður börnunum sínum. Svo koma þau öll heim annað kvöld.

Við Ingvar ákváðum að nota tækifærið og hugga okkur eftir vinnudaganna, fara í bíó, fara út að borða, kíkja aðeins í heimsóknir og svo smá búðarrölt.

Ekki nóg með það að við séum ein í stóru húsi núna, við erum líka með planið hjá okkur fullt af bílum sem við getum valið úr!
Erum með tvo bíla frá Sibba, Það þarf víst að hreyfa þá á meðan þau eru úti í stokkhólmi, einn reynsluakstursbíl og mömmubíl - liggur við að maður segir úllendúllendoff þegar maður fer út á morgnanna :) Og ég sem ætlaði að hjóla eða labba í vinnunna í sumar... hef einu sinni labbað og einu sinni hjólað.. uss uss. Ég hef ekki einu sinni farið út að skokka! Enda er þetta sumar hér búið að vera með endemum leiðinlegt og grátt. Ég bæti úr þessu þegar ég kem heim!

Í kvöld ætlum við systkynin á kaffihús með Astrid frænku okkar frá Luxembourg, hún er búin að vera hér í nokkra daga og fer aftur til Lux á morgun.

H.

ákvað að prufa

2006-07-25T23:04:00.000Z

Greinilega ekki hægt að treysta á Ingvar núna, enda hefur hann
meira en nóg að gera og ég hef aðeins meiri tíma :)

Sit ein heima, alandi ein meira að segja, engir foreldrar, engin börn og engin Ingvar. Skrýtið! Ég ákvað að nýta rólegheitin og starta smá bloggsíðu um okkur fjölskylduna í álaborginni. Hef inspirerast smá af Kristínu, er orðin daglegur gestur á hennar síðu ásamt nokkrum öðrum.

Allavega - ég og börnin erum búin að flýta heimferð og fljúgum við 23.ágúst og náum þá vonandi smá dönsku sumri þegar við komum. Ingvar Andri er farinn að segja að hann vilji fara heim til Danmerkur núna, honum finnst ekki gaman á Íslandi lengur. Hann er farinn að tala um ákveðna bíla sem bíða eftir honum heima, er greinilega með lagerstöðuna á bílunum sínum á hreinu!
Ingvar vinnur svo út ágúst og flýgur 2.sept. - nær ekkert að pústa strákurinn, vonandi fer skólinn rólega af stað og að við fáum gott síðsumar.

Ætla að njóta friðarins og lesa smá fyrir háttinn!

H.